Тӑвай районӗ — Чӑваш Енӗн хӗвелтухӑҫ енче вырнаҫнӑ район. 1935 ҫулхи кӑрлачӑн 9 туса хунӑ. Ҫурҫӗр енче Вӑрмар районӗ, хӗвеланӑҫ енчӗ Канаш районӗ, кӑнтӑрпа хӗвелтухӑҫ енче Тутарстан юнашар вырнаҫнӑ. Лаптӑкӗ 524,4 км2 танлашать. Район администрациӗ Тӑвай салинче вырнаҫнӑ.

Ҫутҫанталӑк

Тӑвай районӗ Чӑваш плато тӑрӑхӗнче вырнаҫнӑ. Вырӑнӗсем сӑртлӑ, ҫырмасем пит нумай.

Ҫӗр айӗнчи пуянлӑхсем шучӗнче ҫӳрт хӑпартмаллисем кӑна. Кунта кирпӗч чӗр таварӗ, карбонад породисем кӗреҫҫӗ. Кирпӗч валли усӑ куракан тӑма кӑларас икӗ вырӑнтан пӗрине кӑна, Тӑвай патӗнче вырнаҫнӑскерне, усӑ кураҫҫӗ.

Ку тӑрӑхра вӑтам климат, хӗлӗсем сивӗ, ҫӑвӗсем ӑшӑ. Кӑрлачӑн вӑтам температури -13°С, утӑ уйӑхӗн — 18,7°С танлашать. Чи сивӗ палӑртнӑ температура — -42°С, чи ӑшши — 37°С. Ҫул хушшинче вӑтамран 490 мм юр-ҫумӑр ӳкет. Ытларах енӗпе юр-ҫумӑр ӑшӑ тапхӑрта ҫӑвать.
Кивӗ Элпуҫ патӗнче Эл ятлӑ кӳлӗ вырнаҫнӑ.

Халӑх йышӗ

1999 ҫул пуҫламӑшӗнче районта 19,3 пин ҫын пурӑннӑ. Ку районта ҫынсем питӗ йышлӑ пурӑнаҫҫӗ. 1км 2 ҫине 38 ҫын килет. Районта пӗтӗмпе 31 ял, вӗсенче вӑтамран 655 ҫын пурӑнать. Ҫынсен шучӗнчен 90% ытла чӑвашсем.

Ялсем

Район 10 ял тӑрӑхӗнчен тӑрать.

Район ялӗсен списокӗсем:

• Алфавитпа
• Ял тӑрӑхӗсемпе

Район историйӗ

Паллӑ ҫыннисем

Районта ҫуралнӑ паллӑ ҫынсем:

• Арапов Владимир Яковлевич, — график.
• Васильев Александр Георгиевич, — кӗвӗҫӗ.
• Васильев Владимир Васильевич, — сӑвӑҫ, кӗвӗҫ.
• Воробьёв Василий Петрович, — хор дирижёрӗ, кӗвӗҫӗ, вӗрентекен.
• Григорьев Юрий Павлович, — кӗвӗҫӗ.
• Данилов Дмитрий Данилович, — литература критикӗ, вӗрентекен.
• Димитриев Николай Владимирович, — юрӑҫӑ.
• Иванов Александр Иванович, — журналист.
• Кузьмина Вера Кузьминична, — актриса.
• Максимов Степан Максимович, — кӗвӗҫӗ.
• Парамонов Тимофей Парамонович, — халӑх юррисене пухаканӗ, вӗрентекен.
• Парне Георгий Васильевич, — актёр, режиссёр.
• Романова Фаина Александровна, — театр ертӳҫи.
• Рунгш Петр Андреевич, — ҫул-йӗр сараканӗ (1905–1970).
• Сандров Николай Александрович, — сӑвӑҫӑ, куҫаруҫӑ.
• Сверчков Никита Кузьмич, — живописец, график.
• Сидоров Николай Иванович, — драматург, ҫыравҫӑ.
• Спиридонов Григорий Спиридонович, — чӑваш скульпторӗ.
• Спиридонов Моисей Спиридонович, — живописец, график.
• Степанов Николай Степанович, — актёр.
• Терентьев Геннадий Терентьевич, — драматург, актёр.
• Тимаков Вениамин Петрович, — сӑвӑҫӑ.
• Трифонова Валентина Ивановна, — актриса.
• Тӑхти Илья Ефимович, — сӑвӑҫӑ, прозаик, халӑх пултарулӑхне пухаканӗ, халӑх йӑли-йӗркисене тӗпчекенӗ, куҫаруҫӑ.
• Хумма Ҫемень, — прозаик, поэт, куҫаруҫӑ.
• Элпи Валентина Андреевна, — прозаик.
• Яклашкин Морис Николаевич, — хор дирижёрӗ, вӗрентекен.

Каҫӑсем

Тӑвай районӗн администрациӗ сайчӗ

Ҫавӑн пекех пӑхӑр